— Коктебельде Сизге насыл? Эр шейни бегендинъизми? Фестивальден насыл теэссурьатлар?
— Теэссурьатлар пек яхшы. Коктебельни пек бегенемен — къадифе мевсими, гузель ава. Керчектен бугунь ягъмур ягъды, языкъ ки, бизге тап яхшы саундчек япмагъа бермеди. Амма биз топландыкъ ве ойнадыкъ. Адамлар, атмосфера, ава, табиат — эр шей гузель, эр шейни бегенемен.
— Сиз биринджилерден фестивальни ачасыз. Фестивальнинъ программасы пек зенгин — чалгъыджылардан Сиз кимни динълемеге истейсинъиз?
— Мен мемнюниетнен эр кесни динълер эдим, керчектен де, амма бугунь, афсус ки, учюп кетмек меджбурым.
— Концерт насыл олып кечти? Эр шейни бегендинъизми?
— Эбет. Аджайип сейирджилер, муит гузель. Сес тарафындан азчыкъ къолайсыз эди, чюнки бизим комбинацияларымызны даа дикъкъатлы тизмек керек эди. Бир къач нюанслар бар, амма тосусынен эр шей гузель эди!
Энъ эсасы шу ки, адамлар бегенелер — бу исе яхшы косьтергич. Бизде эр шей бойле кете, тек йыр олмакъ керек — инструменталь музыка да ола биле. Адамлар буны бегенелер, олар кетмейлер, динълейлер. Бу пек гузель!