— Сиз Коктебель ве фестиваль акъкъында не тюшюнесинъиз, эр шейни бегенесизми?
— Бу пек дюльбер ер, ондан да гъайры бу меним ильк зияретим мында. Мында кельгенден эвель мен бу ер акъкъында тюшюндим, ис этим деп айтмакъ мумкюн дегиль. Керчектен айтсам, мен азчыкъ къасеветлендим, амма меним ичюн бу акъикъий хош сюрприз олды. Мутешем табиат, пек яхшы, позитив адамлар. Фестиваль — акъикъий мувафакъиет! Мында пек яхшы!
— Эгер сизинъ вакъытынъыз олса сиз мында, фестивальге келип кимни динълемеге истединъиз?
— Мен мемнюниетнен Валерий Пономарёвны ве Том Харреллны динълемеге истейим. Да мен бизден эвель чыкъышта булунгъан такъымларны пек бегендим. Андрей Кондаков ве Brazillian All Stars пек гузельчыкъышта булундылар!
— Чыкъыш насыл кечти? Сиз эр шейни бегендинъиз?
— Эр шей гузель эди.
— Бугунь концертке кельген сейирджилерден сизде насыл теэссурьатлар?
— Сейирджилер пек яхшы. Оларны тасвирлемек ичюн тек яхшы сезлер акъылгъа келе. Корюнди ки, адамлар тек бакъмакъ ичюн кельмедилер олар яни музыка ичюн кельдилер. Джаз бу ерде энъ популяр дегиль. Ве мында келип менде олгъан энъ гизли шейнен — джазнен пайлашмакъ эйи олды.