Бугунь Koktebel Jazz Party фестивальнинъ сонъки куню, ве о фестивальнинъ хедлайнерлеры — The Jamal Thomas Band такъымнынъ чыкъышынен о екюнленеджек. Чалгъыджыларнынъ сёзлерине коре олар санагъа чыкъмагъа пек истейлер.
«Мен Facebookте фестивальнинъ инкишафына бакътым, саналарнынъ къуруджылыкъ фотоларны да бакътым, онынъ ичюн эр шей гузель оладжакъны башындан биле эдим. Ойле де олды», — The Jamal Thomas Band такъымнынъ музыкаль мудири ве давулджы Алекс Бернат итираф этти.
«Биз мында булунгъанымызгъа пек хошнутмыз. Тюневин акъшам бир къач чыкъышларны корьдик, оларны пек бегендик. Сес пек яхшы, эр шей гузель», — такъымнынъ лидери Джамал Томас онен разы.
Чалгъыджыларнынъ сезлерине коре олар фестивальнинъ тешкилятинен ве Koktebel Jazz Partyнинъ муитинен пек мемнюнлар: «Яхшы тешкилят, гузель адамлар, аджайип денъиз ве ава. Ве, эльбетте, гузель къызлар».
«Биз мында музыканы чалмакъ ве адамларны бахтлы япмакъ ичюн кельдик, — Джамал Томас айтты. — Онынъ ичюн келинъиз бузунь джоштурайыкъ!»