Коктебельде Koktebel Jazz Party халкъара джаз фестивали екюнленди. «Бир заманда масал да бите, амма келеджек йылда бизни девамы беклей», — баш мудири МИА «Россия сегодня» фестивальнинъ эсасджысы Дмитрий Киселёв бильдирди.
О Koktebel Jazz Party фестивальге кельгенлерге ве бу джаз байрамны кечирмеге ярдым эткенлерге тешеккюр бильдирди. «Биз фестивальни пек тез яптыкъ, догърусы учь ай девамында», — Дмитрий Киселёв пайлашты, амма ич бир шейге бакъмадан эр шей юксек севиеде кечти. Тедбир бюджеттен пара алмайып кечти ве сатылгъан билетлернинъ бутюн файдасы Къырым инкишафына ёлланаджакъ.
Дмитрий Киселёв да къайд этти ки, кечкен куньлер девамында Koktebel Jazz Party саналарда дюньянынъ энъ яхшы джаз такъымлары чыкъышта булундылар: Петр Востоковнынъ балабан джаз оркестри, Антон Горбуновнынъ квинтети, Андрей Кондаков ве Brazil All Stars, Денис Швытов ве онынъ «Серебряная женщина» проекти, «Хуун-Хуур-Ту», Анна Клесун ве Esh такъымы, Владимир Иванов ве Ornitology такъымы, Иван Фармаковскийнинъ квартети, Alex Hutchings Band, Ваагн Айрапетяннынъ квартети ве Анна Бутурлина, Сlub des Belugas, JVL Big Band, Сергей Головня ве Карина Кожевникова. Эфсаневий чалгъыджылар: International Jazz Quartet теркибинде чыкъышта булунгъан Яков Окунь ве Дебора Браун Koktebel Jazz Partyнен махсус тешкиль этильгенлер, Валерий Пономарёв ве We remember Art Blakey секстети, Том Харрелл, The Jamal Thomas Band фестивальнинъ хедлайнерлери олдылар.
Хатырлатайыкъ, фестиваль Русие Федерациянынъ мединиет назирлиги къол тутувы иле МИА «Россия сегодня» тешкиль этильген эди.