«Бугунь санада буюк оркестрнинъ тек кичик бир къысмы оладжакъ», — айтып бердилер Mambo Party такъымынынъ иштиракчилери журналистлерге.
Чалгъыджылар Koktebel Jazz Partyде латиноамерикан джазыны классик шекильде чалмагъа ваде эттилер. «Биз 1940-нджы сенелернинъ давушыны джанландырмагъа тырышамыз. Биз иджра этеджек эсерлеримизни бу музыканы чалгъан улу инсанларнынъ репертуарындан алдыкъ», — деп, къайд эттилер артистлер.
«Бутюн бойле музыканынъ темелинде "перкашн-сет", бу учь алет: эсас алет бу урув чалгъы алети киби бир шей — тимбалис, оны бизде Федель-Алехандро чала. "Мамбо" музыкасынынъ темелинде эм де конги алети. Буларнынъ эписининъ ильваны — дигер перкуссион чалгъы алетлери: бонги, бонго-бэлл», — тариф этти боразанджы Петр Востоков.
Чалгъыджылар умют этелер ки, бугунь сейирджилер озь ерлеринде отурып оламазлар ве оюнгъа тюшерлер. Такъым иштиракчилери атта санадан мастер-класс косьтермеге ваде эттилер.