Koktebel Jazz Party 2016 фестивалинде чыкъышта булунгъан чалгъыджылар ве такъымлар совет джазынынъ темельджисини ве Русиеде нам къазангъан артистни Михаил Окунни 70-йыллыкъ юбилей иле хайырламакъ ичюн кене де берабер топлашаджакълар.
«Озь эски достларым иле санада ве салонда корюшмеге бахтлы олурым!», — деди юбиляр.
"Михаил ОКУНЬ — 70!" серлевалы концерт октябрьнинъ 14-де Москвадаки Музыка эвининъ Камер залында кечеджек. Koktebel Jazz Party фестивалининъ Арт —мудири , саксофонджы-виртуоз Сергей Головня, рагъбетли джаз йырджысы Карина Кожевникова, боразанджы, «Буюк джаз оркестрининъ» эсасчысы Петр Востоков, ереван пианоджысы ве вокалджы Ваагн Айрапетян, 2015 сене «Рояль в джазе» халкъара конкурсында Гран-при саиби Олег Стариков ве чокъусы дигерлери Михаил Окуннинъ мусафирлери оладжакълар.
"Совет джазынынъ темелини къойгъан инсанларны эшитмек ичюн сийрек расткелькен имкяниет, олар орта несильнинъ энъ гузель джазменлери иле берабер чаладжакълар. Бу имкяниетни сабырсызлыкънен беклейим ве яхшы музыка иле меракълангъан эр бир кишини давет этем!" — деп, къайд этти джазмен Яков Окунь.
Фото: Ирина Полярная