Бу сене августнынъ 18-20 куньлери Къырымнынъ Коктебель къасабасында кечеджек Koktebel Jazz Party халкъара джаз фестивалининъ тешкилий комитети озь услюбини ве 15-нджи юбилей мевсимнинъ слоганыны такъдим этти. Бу сене фестивальнинъ шиары «Эвельки ерде — эвельки джаз», бу бестекяр А.Цфасманнынъ йырындан «На том же месте — тот же джаз» деген сатырдыр. О, «совет джазынынъ къыралы» ве совет рагъбетли музыканынъ виртуозларындан биридир. Сана мейданлары донатылувында эсас нагъме оларакъ дизайнерлер Русиеде инкъиляптан сонъ инкишаф эткен конструктивизмни сечтилер. Юбилей джаз мевсимининъ мусафирлерини. бир къач сана беклей, дюньянынъ белли джазменлеринден музыкаль ве санат программалар ве Коктебельнинъ аджайип муити беклей.
Фестиваль тесисчиси, «Россия сегодня» ХИА-нинъ генераль мудири Дмитрий Киселёв: «Джазнынъ юбилей мевсими улу рус инкъилябынынъ 100-йыллыгъы сенесинде олып кече ве Къара денъиз ялысында эр йыл кечирильген халкъара топлашувгъа янъы мана бере. Музыкаль аньанелер чатышувында мейдангъа кельген джаз инкъилябий денъишмелер ве терслик гъаелери иле толу. Биз бутюн дюньянынъ чалгъыджылары бинълердже мухлислерини бирлештирмек ве ильхамландырмакъ макъсадынен невбеттеки сефер музыкаль стереотиплерге къаршы чыкъмаларыны сабырсызлыкънен беклеймиз».