Джаз ичюн — Кектебельге!

Коктебель юбилей джаз мевсимини къабул этмеге азыр

Коктебель юбилей джаз мевсимини къабул этмеге азыр

Къырымнынъ медений яшайышында энъ парлакъ вакъиа — Koktebel Jazz Party халкъара джаз фестивалининъ башланувына бир суткадан аз вакъыт къалды. Учь кунь девамында, августнынъ 18-20 куньлери артистик Коктебель къасабасынынъ мейданлары Русиеде ве дюньяда мешур джазменлерни, эм де генч джаз иджраджыларны къабул этеджек. АКъШ, Бразилия, Алрмания, Френкистан, Исветчия, Корея ве дигер мемлекетлерни такъдим эткен коллективлер Коктебельнинъ Эсас ве Волошин саналарында чыкъышта булунаджакълар. Оларнынъ донатылувы ичюн артистик къасабагъа 20 тонна ышыкъ ве сес бериджи алетлер келип етти. Koktebel Jazz Party фестивалининъ тамам денъиз ялысында ерлештирильген эсас санасы донатылмасы ичюн тешкилятчылар 300-ден зияде ышыкъ алети кетирдилер, олар ачыкъ авада джаз фестивалининъ текрарланмаз муитини яратмагъа ярдым этеджек.

Озь XV мевсиминде Koktebel Jazz Party Коктебельнинъ сынъырларындан чыкъты. Фестиваль мейданларына 2017 сене даа бири къошуладжакъ — бу Къырымнынъ Гурзуф къасабасында «Артек» Халкъара бала меркезинде «Артек-Арена». Артеклилер озьлери, Коктебель сейирджилери киби, августнынъ 19-да «Голос. Дети», «Лучше всех» ве «Синяя птица» серлевалы русиели телевизион шоуларнынъ финалджылары иджра эткен чыкъышларны корип оладжакълар.

Koktebel Jazz Partyнинъ биринджи фестиваль куню мешур Москвалы саксофонджы, фестивальнинъ арт-мудири Сергей Головнянынъ реберлигинде Биг-Бэнднинъ чыкъышы иле ачыладжакъ. Анда джаз йырджысы ве мюзикллер актрисасы Анна Бутурлина иштирак этеджек. Биринджи куннинъ программасы эм де халкъара джаз коллективлернинъ ве первого дня включит также выступления международных джазовых коллективов и мультичалгъыджы, бестекяр Давид Голощёкиннинъ чыкъышларындан ибарет оладжакъ. Голощёкин чешит девирлерде дюнья джазы эфсанелери — Дюк Эллингтом ве Диззи Гиллеспи иле импровизациялар ярата эди.