Хаберлер

Давид Голощёкин: мен саде джаз чалгъыджысы дегилим – мен джаз тешвикъатчысы

Давид Голощёкин: мен саде джаз чалгъыджысы дегилим – мен джаз тешвикъатчысы

Бу сене илькиде Koktebel Jazz Party фестивалинде эфсаневий русиели чалгъыджы Давид Голощёкин чыкъышта булунаджакъ. Мешур джазмен фестивальнинъ биринджи кунюнинъ хедлайнери оладжакъ. Журналистлернинъ суаллерине джевап беререк, Давид Голощёкин къайд этти ки, онынъ ичюн фестивальде, бельки, биринджи сефер джаз динълеген инсанлар ичюн иджра этмеге айырыджа муимлик ташый.

«Меним иджадыма ич бир вакъыт расткельмеген инсанларнен корюшмек энъ зияде мени меракъландыра. Мен саде джаз чалгъыджысы дегилим, мен джаз тешвикъатчысы, онынъ ичюн мени бу жанрнынъ рефакъаты меракъландыра. Озь иджадымнен мен эр вакъыт джаз динълеген адамларны бу джиддий санат олгъанында ве онъа академик музыкасына киби джиддий янашмакъ кереклигинде къандырмагъа  умют этем», — деп, къайд этти Голощёкин.

Бундан гъайры, Давид Голощёкин фестивальде такъдим этеджек программасы акъта ве озь коллективининъ чалгъыджылары акъта тариф этти.

«Мен ич бир вакъыт бир шейни махсус азырламайым. Мен чыкъам ве озь чалгъыджыларым иле джаз иджра этем, бу Санкт-Петербургнынъ ве Русиенинъ энъ гузель джаз чалгъыджылары», — деп, къайд этти Голощёкин ве къошты ки, келеджек сене онынъ ансамбли яратылгъанына 50 йыл тола.  Коллективде эм де Голощёкиннен якъын вакъыттан берли  ишбирлик эткен чалгъыджылар, эм де ансамбльнинъ ветеранлары бар. Меселя, давулджы Виктор Щербин Голощёкин иле энди 42 йылдан берли чала. 

Артка

Koktebel Jazz Party фестивали - COVID-19-дан бош территория. Агъыр эпидемиологик вазиет себебинден фестивальге етип кельмек шартлары денъише биле. Бу аллар регионда эпидемиологик вазиетке ве Роспотребнадзор идаресининъ тевсиелерине коре денъиштириле биле.
Шимдики вакъыт фестивальнинъ иштиракчилерине, мусафирлерине ве сейирджилерине учь весикъадан энъ аздан бирини такъдим этмек керек.

  • Менфий ПЦР-тест, о, 2021 сене августнынъ 18-ден сонъ япылмалы
  • COVID-19 S-акъына антителалар олмасы акъта весикъа, о, 2021 сене майыснынъ 25-ден сонъ япылмалы
  • COVID-19-дан ашылама сертификаты

Фестиваль территориясында мусафирлер, сейирджилер ве кутьлевий малюмат васталарынынъ векиллери маска ве къочакълар киймек кереклер.