Сергей Головня реберлигинде SG Big Band адлы биг-бэнд Koktebel Jazz Partyнинъ динълейиджилери ичюн бир къач импровизацион чыкъыш такъдим этеджек. Эм де импровизация чалгъы алетлер группалары боюнджа янгъырайджакъ.
«Бу чалгъы алетлер группалары боюнджа импровизация оладжакъ. Тромбонлар группасы импровизация кечиреджек, бутюн саксофонлар группасы импровизация кечиреджек,бизим эки истидатлы боразанджыларымыз импровизация кечиреджеклер, бир ерде исе — боразанджылар бойле бир батл кечиреджеклер», — деп, тариф этти Сергей Головня.
Бундан гъайры чалгъыджы хабер этти ки, фестивальде ильк кере онынъ иле уйдурылгъан, Санкт-Петербург чалгъыджысы Сергей Богданов иле аранжировка этильген эсерлер такъдим этеледжек. «Бу оригиналь музыка. Буи ч бир вакъыт янгъырамагъан шей, бу эр вакъыт меракълы ве эр вакъыт янъыдыр», — деп, къайд этти Головня.
Чалгъыджы матбуат-конференция кетишатында иджат ичюн къайдан гъае алгъаны акъта суальге джевап берди. «Мен иман эткен инсаным. Ве манъа кельген эписи гъаелер, коктен энъелер», — ддеди Сергей Головня.