Джаз ичюн — Кектебельге!
Коктебельде ава
26°Аз булутлыкъ
Хаберлер

Cadence меджмуасы: Коктебельге келинъиз. Нокъта

Cadence меджмуасы: Коктебельге келинъиз. Нокъта

Дэвид Хэйни, Cadence меджмуасынынъ векили, Koktebel Jazz Party 2017 фестивалине тедбир тешкилятчыларынынъ давети иле кельди. РИА Хаберлер мухбирине берген интервьюда о итираф этти ки, кельмек къарары енгиль олмады.

«Меннен Koktebel Jazz Partyнинъ векиллери багълангъан сонъ, мен энъ-эвеля АКъШ девлет департаментининъ сайтына кирдим. Анда Къырымгъа бармагъа керек дегиль, деген тенбиелев бар эди, амма бунынъ себеби язылмай эди», — деп, тариф этти Дэвид Хэйни. Журналист Къырымда не хавфлы олгъаныны сорап бильмеге къарар алды. Ве о, не къадар чокъ малюмат тапса биле, бир шей анъламай эди. Раатсызланмакъ ве анда бармакътан вазгечмек ичюн конкрет ич бир шей ёкъ эди.

«Хаберлерде де эр шей тынч эди, онынъ ичюн бу тенбиелев тек сиясий тюс ташыгъаныны анъладым. Эбет, мен мында кельгенде бираз раатсызлана эдим. Амма эр шей пек гузель кечти. Менде, биз АКъШ-дан керекли малюмат алмаймыз, деген дуйгъум бар. Озюмиз мында келип, эр шейни озь козьлеримизнен корьмек — пек яхшы олды», — деди Дэвид.

Фестиваль озю де журналистни лякъайд къалдырмады. «Мен дюнья боюнджа чокъусы фестиваллерде булундым. Бойле тедбирлерде адетиндже олгъаны киби, эм гузель, эм де пек гузель олмагъан музыка эшитерим, деп беклей эдим. Лякин мында эписи артистлерни бегендим, хусусан Joe Lastie's New Orleans Sound», — деп, къайд этти Дэвид Хейни.

О, эм де русиели джаз чалгъыджыларынынъ юксек севиесини айрыджа къайд этти. Хусусан о, Валерий Пономарев ансамблининъ чыкъышыны бегенди.

Koktebel Jazz Partyни зиярет этмеге къоркъкъан бутюн дюньядан озь зенаатдашларына Дэвид Хэйни бойле саде тевсие берди: «Келинъиз. Нокъта».