Къырымда августнынъ 24-де башлангъан Koktebel Jazz Party халкъара джаз фестивалинде Русие, АКъШ, Буюк Британия, Хиндистан, Къытай, Эрменистан ве дигер мемлекетлерден кельген тахминен 20 коллектив иштирак этеджеклер, деп. хабер этти матбуат-конференцияда фестивальнинъ арт-мудири Михаил Иконников.
Биринджи куню сейирджилер АКъШ-дан кельген, Янъы Орлеан джазы ве фанк услюбинде музыка чалгъан Rebirth Brass Band коллективини, Хиндистандан кельген Rajeev Raja Combine этно-фьюжен-такъымларыны, Rick Margitza американ коллективини ве acid jazz услюбинде Буюк Британиядан Incognito ансамблинининъ чыкъышларыны кореджеклер.
Джума эртеси куню фестиваль мусафирлерини Къытайлы Sedar Band, Америка артистлери Vanessa Rubin & Don Braden, New York Latin Jazz All Stars ансамбли ве Яков Окуннинъ интернациональ коллективи къувандыраджакълар. Сонъкисине Дебора Браун къошуладжакъ.
Фестивальнинъ учюнджи куню пианоджы Ваагн Айрапетян, New York All Stars американ такъымы ве дюньяджа белли гитараджы-виртуоз Дмитрий Четверговнынъ Chet Men такъымы зь чыкъышларыны такъдим этеджеклер.
Мусафирлерни эм де сюрприз беклей: фестивальнинъ сонъунда Москвалы саксофонджы Сергей Головнянынъ реберлигинде биг-бэнднинъ ве Koktebel Jazz Party — 2018 эписи йылдызларынынъ иштираги иле джем-сессиясы кечеджек.
Бундан гъайры, Волошин санасында Яков Окуньнинъ, New Folk Trio такъымынынъ ве Москвалы боразанджы, флюгель-горнист ве бестекяр Герман Лукьяновнынъ реберлигинде «Каданс» ансамблининъ чыкъышлары такъдим этиледжек. Эм де Коктебельнинъ дельфинарийинде ве аквапаркында Koktebel Jazz Partyнинъ русиели йылдызлары музыка иджра этеджеклер.