«Коктебель — аджайип ердир, сейирджилер пек яхшы, бизге денъиз янында онынъ аккомпанементи иле чалмагъа пек хош оладжакъ», — деп, бильдирди матбуат-конференцияда саксофонджы Рик Маргитца, Rick Margitza интернациональ коллективнинъ лидери. Бугунь о, Koktebel Jazz Partyде чыкъышта булунаджакъ.
Ансамбльнинъ четэль иштиракчилери айткъанына коре, олар Къырымда ильк сефер булуналар ве фестивальден айретте къалдылар.
«Бу хусусий бир ердир — сана тамам пляжда, ве бу къадар белли джазменлерни расткетирмек ичюн аджайип имкян. Биз бу муитни бегенемиз», — деп, къайд этти контрабасчы Сильван Романо.
Фестиваль санасында коллектив конкрет шекильде не чаладжагъы акъта Рик Маргитца джевап берип оламады, амма ваде этти ки, сейирджилер музыканы бегенеджеклер.
«Музыка акъта сёз юрьсетмек къыйын, чюнки сёзлер артында маиет джоюла. Бу оюнда мимарджылыкъ акъта айткъан киби. Джаз импровизация иле айырыла, о эр вакъыт фаркълы, нетиджеде не оладжакъыны сен ич бир вакъыт бильмейсинъ. Сиз не беклейджегинъиз акъта айтмагъа биз азыр дегильмиз, амма умют этем ки, бу ильхам бериджи музыка олур», — деди о.