«Мен бугунь акъшам джаз фестивалинден буюк зевкъ аладжагъымда эминим», — деп, бильдирди Koktebel Jazz Partyнинъ матбуат-меркезинде Русие спорт назири Павел Колобков.
Назир айткъанына коре, о, озюни джаз музыкасында мутехассыс саймаса биле, оны динълемеге севе.
«Мен Игорь Бутман иле яхшы танышым, джаз динълемеге севем. Амма озюми буюк мутехассыс деп, адлап оламайым», — пайлашты о.
Колобков къайд этти ки, онынъ Къырымгъа келюви чокътан планлаштырылгъан эди ве биринджи невбетте «Кубок Чёрного моря» серлевалы елькен регатасы кечирилювине багъышлангъан эди. О, Къырымнынъ елькен спорты федерациясы иле ишбирликте тешкиль этильди.
«Бугунь мында 18 яхта етип келеджек, шу джумледен четэль экипажлары, — бу халкъара регата. Къырым — елькен спорты инкишаф эттирилюви ичюн энъ огъурлы ерлерден бири, ве бу куню мында фестиваль кечкени пек муим. Спорт ве медениет — эки бир-биринен багълы саа. Къара денъиз кубогы аньаневий тедбир олджагъы ве онынъ иштиракчилер сайысы артаджагъы акъта умют этем», — деди назир.
Павел Колобков: Мен джазда буюк мутехассыс дегилим, амма оны динълемеге севем
Koktebel Jazz Party фестивали - COVID-19-дан бош территория. Агъыр эпидемиологик вазиет себебинден фестивальге етип кельмек шартлары денъише биле. Бу аллар регионда эпидемиологик вазиетке ве Роспотребнадзор идаресининъ тевсиелерине коре денъиштириле биле.
Шимдики вакъыт фестивальнинъ иштиракчилерине, мусафирлерине ве сейирджилерине учь весикъадан энъ аздан бирини такъдим этмек керек.
- Менфий ПЦР-тест, о, 2021 сене августнынъ 18-ден сонъ япылмалы
- COVID-19 S-акъына антителалар олмасы акъта весикъа, о, 2021 сене майыснынъ 25-ден сонъ япылмалы
- COVID-19-дан ашылама сертификаты
Фестиваль территориясында мусафирлер, сейирджилер ве кутьлевий малюмат васталарынынъ векиллери маска ве къочакълар киймек кереклер.