Анаяса къанунлары ве девлет къурулувы боюнджа Федерация шураынынъ азасы Ольга Ковитиди Коктебельни яз мевсиминде джаз пайтахты, деп, адлады. Чюнки Koktebel Jazz Party энди 15 йылдан зияде музыка ве дженюбий кунеш севгенлерни мында джельп эте.
«Мен джаз ве боксны пек севем. Koktebel Jazz Party фестивалинден мен байрам беклейим. Бугунь мында тек мусафир дегиль де, атта иштиракчи олмагъа истейим, чюнки мен музыканы пек севем ве озюм белли бир дереджеде иджатнен меракъланам», – деп, пайлашты дуйгъуларынен Ольга Ковитиди биринджи джаз акъшамы огюнде.
Онынъ сёзлерине коре, фестиваль тек Коктебель къасабасынынъ яшайышында дегиль де, дюнья джазында буюк вакъиагъа чевирильди.
О, къайд этти ки, Русиени Къырым ичюн тувгъан лиман сая ве регионнынъ туристик ишкишафы ичюн кениш имкянлар коре, айры алда джаз фестивалининъ рагъбетлиги себебинден.
Ольга Ковитиди къайд этти ки, коронавирус фааллиги эксильген сонъ, туристик акъым пек артты. Айры алда, 60% зиядеси арабаларда келе, ве тек 5 % - тренлерде.