Стив Слэгл ве Билл О'Конелл — саксофон ве фортепьяно, экиси де салмакълы дискографиянинъ балабан концерт, гастроллерде ве сессияларда буюк теджрибелери бар. Эски достлар чокъ чешит джаз проектлерде корюше эдилер, амма ич бир вакъыт бири- биринен дуэтте чалмадылар.
Бу дуэтнынъ пейда олувына, импульс оларакъ, пек гъамлы вакъиа олды. 2014 сенеде август айында Стивнынъ эски досты ве ишдеши гузель джаз пианоджы кичик-Кенни Дрю 56 яшында ольди. Олар Charles Mingus Big Band, ве Reincarnation альбомнынъ язылувында Слэгл квартетинде берабер чалдылар. Достнынъ ольген куньде, Стив Слэгл онынъ олюмине багъышлангъан джаз пьесаны — KD JR уйдурды. Бир къач вакъыттан сонъ онынъ дуэт альбомни язмакъ гъаеси пейда олды, затен башындан о шерик оларакъ Билл О'Конеллдан гъайры бир кимсени корьмеди.
Стив KD JR толдурылгъан докъуз тизилишни сечип алды. Олар онынъ шахсий эсерлери олдылар, Брубекнынъ (The Duke), Билл Эванснынъ (Peri's Scope), Валентайннынъ ве Тридвелланынъ (I'll Wait And Pray) ве Майлс Дэвиснынъ (Circle), Брубекнинъ (The Duke) пьесалары. Артыкъ 2014 сененинъ сентябрьде Стив ве Билл берабер студияда олдылар ве берабер даа бир пьесаны уйдурдылар, Whistling Spirits, о альбомнынъ финал треки олды. Бутюн язувлар бир кунь кечтикче япылгъан эдилер.
Бугунь Power Of Two озь динълейджилеринен корюшювге азыр. Эки чалгъыджы язувгъа те озь усталыгъыны дегиль эм джаныны да къойдылар. Асылында, мында сезлер арткъач, буны тек динълемеге керек!