Джаз ичюн — Кектебельге!
Хаберлер

Koktebel Jazz Party–2021 фестивалининъ ильк иштиракчилери илян этильди

Koktebel Jazz Party–2021 фестивалининъ ильк иштиракчилери илян этильди

Къырымда энъ эсас музыкаль вакъианынъ, Koktebel Jazz Party халкъара фестивалининъ тешкилий комитети 19-нджы мевсимнинъ ильк иштиракчилерининъ адларыны илян этти. Тедбир Коктебель артистик къасабасында августнынъ 20-22 куньлери кечеджек.

Koktebel Jazz Party-2021-нинъ Русиели иштиракчилери арасында «Уральский диксиленд» адлы постсовет девиринде энъ эски аньаневий джаз ансамбллеринден бири, Яков Окуннинъ йылдызлы интернациональ ансамбли, джаз пианоджылары Даниил Крамер ве Валерий Гороховский илян этильди. Фестивальнинъ программасында Георгий Гараняннынъ биг-бэнди (Краснодар), Русиели чалгъыджы ве бестекяр Сергей Головня ве онынъ Electro Machine, ве «Голос. 2 мевсим» адлы шоусынынъ иштиракчиси Ольга Синяева ве онынъ лейхасы AllSeeBand киби меракълы болюклерден ибарет. 

Koktebel Jazz Party-2021 фестивалинде четэль иджраджылар да иштирак этеджеклер. Адетиндже, оларнынъ адларыны ачылув куню, августнынъ 20-де такъдим этеджеклер. 

Koktebel Jazz Party-2021 толу программасы иле фестивальнинъ сайтында ачылувгъа якъын вакъытта таныш олмакъ мумкюн.

Эм фестиваль иштиракчилерининъ, эм де сейирджилернинъ хавфсызлыгъы темин этильмеси ичюн, фестивальнинъ тешкилий комитети тарафындан коронавирус боюнджа Роспотребнадзор идаресининъ эписи санитар талаплары риает этиледжек. 

Коктебельдеки джаз фестиваль Коктебель джазынынъ темель къоювджысы — журналист Дмитрий Киселёвнинъ шахсий тешеббюси оларакъ пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), озь инновацион техникасынен белли американ бас-гитараджы ве контрабасчы Стэнли Кларк, ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль), Гейдельбергтен алман  De-Phazz группасы зиярет эттилер. KJP-2017 тедбирининъ мусафири РФ президенти Владимир Путин олды.

Koktebel Jazz Party — бу тек дюнья севиедеки джаз дегиль, бу музыка, денъиз, вуджут ве гонъюльнинъ екяне вибрациясыны догъургъан акъикъий азатлыкътыр. Фестиваль тешкиль этилювинен «Красный квадрат» адлы медиагруппа огъраша.

Rap Koktebel — яшлар рэп-медениети ве музыкасынынъ фестивали, Къырымда ильк сефер 2019 сене августнынъ сонъунда кечти. Онынъ кечирилювининъ тешеббюсчиси де Дмитрий Киселев олды.

Koktebel Jazz Party фестивалининъ генераль информацион шериклери: «Россия: телевидение и радио», СМОТРИМ мультимедиа-темели ве «Россия - Культура» телеканалы.

Фестивальнинъ музыкаль шериги Радио JAZZ 89.1 FM оладжакъ.

Koktebel Jazz Party фестивалининъ информацион шериклери: РИА Новости, TimeOut.ru интернет-ресурсы, Изолента live каналы, «Москва 24» телеканалы, Sputnik радиосы, "Комсомольская правда" KP.RU сайты, «Аргументы и факты», ве РИА Новости Крым агентлиги.

Артка

«Koktebel Jazz Party» фестивали - COVID-19-дан бош территория. Агъыр эпидемиологик вазиет себебинден фестивальге етип кельмек шартлары денъише биле. Бу аллар регионда эпидемиологик вазиетке ве Роспотребнадзор идаресининъ тевсиелерине коре денъиштириле биле.
Шимдики вакъыт фестивальнинъ иштиракчилерине, мусафирлерине ве сейирджилерине учь весикъадан энъ аздан бирини такъдим этмек керек.

  • Менфий ПЦР-тест, о, 2021 сене августнынъ 18-ден сонъ япылмалы
  • COVID-19 S-акъына антителалар олмасы акъта весикъа, о, 2021 сене майыснынъ 25-ден сонъ япылмалы
  • COVID-19-дан ашылама сертификаты