Koktebel Jazz Party халкъара джаз фестивалининъ тешкилий комитети Эсас ве Волошин саналарында фестиваль кечеджек августнынъ 20-22 куньлери иштиракчилернинъ джедвелини илян этти.
Биринджи куню Эсас сананынъ сейирджилерини «Уральский диксиленд» адлы постсовет девиринде энъ эски аньаневий джаз ансамбллеринден бирининъ чыкъышлары, джаз пианоджылар Даниил Крамер ве Валерий Гороховскийнинъ «Музыкаль дуэли», эм де давулджы Павел Тимофеевнинъ махсус мусафирнен квинтети беклей. Волошин санасында шу куню саксофонджы Станислав Должков коллективининъ джаз импровизацияларыны эшитмек мумкюн олур.
Экинджи ве учюнджи куню Эсас сананынъ программасында Георгий Гараняннынъ Биг-бэнди (Краснодар) ве онынъ махсус мусафирлери Бобби Мартинес ве Рамон Гонсалес, Русиели чалгъыджы ве бестекяр Сергей Головня ве онынъ Electro Machine ансамбли, йырджы Мариам Мерабова ве Армен Мерабовнынъ «Miraif» проекти, джаз вокалджылары Ирина Родилес, Виктория Каунова ве Валерия Шургалинанынъ «Jazz Ladies and Gentlemen» триосы ве дигер коллективлер ве солистлер оладжакъ. Волошин санасында фестиваль кечеджек джума эртеси ве базар куньлери «Три-О» адлы интуитив музыканынъ эфсаневий ансамбли ве пианоджы Алексей Беккернинъ «Снобы» квартети чыкъышта булунаджакълар.
Коктебельде 19-джы джаз мевсиминде четэль иджраджылар да иштирак этеджек. Адетиндже оларнынъ адлары ачылув куню, августнынъ 20-де илян этиледжек. Koktebel Jazz Party фестивали иштиракчилерининъ толу джедвелинен онынъ сайтында таныш олмакъ мумкюн. Джедвель даа толдурыла ве янъартыла биле.
Июнь айында фестивальге билетлер сатылып башланды. Билетлерни Concert.ru сайтында, эм де фестиваль куньлери онынъ мейданларындаки кассаларда сатын алмакъ мумкюн. Кириш билетлернинъ фияты — 500 рубле, партерге билетлернинъ фияты — 1500 рубле. Кутьлевий малюмат васталынынъ векиллери де фестивальнинъ сайтында аккредитациядан кечмек ичюн ариза толдура билелер.
Фестиваль иштиракчилерининъ ве онынъ сейирджилерининъ хавфсызлыгъы темин этильмеси ичюн, тешкилий комитет Роспотребнадзор идаресининъ коронавирус боюнджа талапларына дикъкъат айыраджакъ. Иштиракчилерге, мусафирлерге ве сейирджилерге Koktebel Jazz Party фестивалининъ мейданларыны зиярет этмек ичюн талаплар джедвели онынъ сайтында нешир этильди.
«Koktebel Jazz Party» фестивали - COVID-19-дан бош территория. Агъыр эпидемиологик вазиет себебинден фестивальге етип кельмек шартлары денъише биле. Бу аллар регионда эпидемиологик вазиетке ве Роспотребнадзор идаресининъ тевсиелерине коре денъиштириле биле. Шимдики вакъытта фестивальге кечмек ичюн учь весикъадан ич олмадым бири олмалы:
- Менфий ПЦР-тест, о, 2021 сене августнынъ 18-ден сонъ япылмалы
- COVID-19 S-акъына антителалар олмасы акъта весикъа, о, 2021 сене майыснынъ 25-ден сонъ япылмалы
- COVID-19-дан ашылама япылгъаны акъкъында сертификат
Коктебельде джаз фестивали 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси оларакъ пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), озь инновацион техникасынен белли американ бас-гитараджы ве контрабасчы Стэнли Кларк, ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль), Гейдельбергтен алман De-Phazz группасы зиярет эттилер. KJP-2017 тедбирининъ мусафири РФ президенти Владимир Путин олды.
Koktebel Jazz Party — бу тек дюнья севиедеки джаз дегиль, бу музыка, денъиз, вуджут ве гонъюльнинъ екяне вибрациясыны догъургъан акъикъий азатлыкътыр. Фестиваль тешкиль этилювинен «Красный квадрат» адлы медиагруппа огъраша.
Rap Koktebel — яшлар рэп-медениети ве музыкасынынъ фестивали, Къырымда ильк сефер 2019 сене августнынъ сонъунда кечти. Онынъ кечирилювининъ тешеббюсчиси де Дмитрий Киселев олды.
Koktebel Jazz Party фестивалининъ генераль информацион шериклери: «Россия: телевидение и радио», СМОТРИМ мультимедиа-темели ве «Россия - Культура» телеканалы.
Фестивальнинъ музыкаль шериги Радио JAZZ 89.1 FM оладжакъ.
Koktebel Jazz Party фестивалининъ информацион шериклери: РИА Новости, TimeOut.ru интернет-ресурсы, Изолента live каналы, «Москва 24» телеканалы, Sputnik радиосы, "Комсомольская правда" KP.RU сайты, «Аргументы и факты», ве РИА Новости Крым агентлиги.