Koktebel Jazz Party халкъара фестивалининъ (http://koktebel-jazz.ru) тешкилий комитети ярымаданынъ эсас музыкаль вакъиасы 2022 сене кечириледжек куньлерни илян этти. Джаз музыкасынынъ авескярларыны ве Коктебельнинъ эписи мусафирлерини тойгъун музыкаль программа августнынъ 19-21 куньлери беклей.
«Koktebel Jazz Party ичюн 2022 сене тимсаль ташыйыджы йыл оладжакъ. О, эки буюк юбилейни – Русие джазынынъ 100-йыллыгъыны ве Коктебельде джазнынъ 20-йыллыгъыны бирлештиреджек. Вакъианынъ севиеси эм де программанынъ севиесини буюра. 2022 сене о тойгъун олмакътан гъайры, уникаль оладжакъ. Онынъ иштиракчилери энди шимди Русие ве халкъара джазынынъ эфсанелери деп, адландырыла бильгенлер оладжакъ. Адетиндже, биз фестивальнинъ башланмасынадже оларнынъ адларыны ачмайджамыз ве сёз беремиз ки, Коктебельде август адетиндже сыджакъ олур», - деп, къайд этти Koktebel Jazz Party фестивалининъ темель къоюджысы - журналист Дмитрий Киселев.
Koktebel Jazz Party фестивали - COVID-19-дан бош территория. Фестивальнинъ эписи тедбирлери Роспотребнадзор идаресининъ тевсиелери ве талапларына коре кечириле.
2003 сене Коктебель джазынынъ темель къоюджысы - журналист Дмитрий Киселёвнинъ шахсий тешеббюси оларакъ пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), «Грэмми» мукяфатына дефаларджа наиль олгъан боразанджы Рэнди Брекер (АКъШ), сонъки 10 йыл девамында энъ яхшы баритон-саксофонджы Гари Смульян (АКъШ), ню-джаз йылдызлары Club Des Belugas (Алмания), дюньяда земаневий блюз санасынынъ векиллеринден бири, гитараджы Селвин Бёрчвуд (АКъШ) зиярет эттилер. KJP-2017 тедбирининъ мусафири РФ президенти Владимир Путин олды.
Koktebel Jazz Party — бу тек дюнья севиедеки джаз дегиль, бу музыка, денъиз, вуджут ве гонъюльнинъ екяне вибрациясыны догъургъан акъикъий азатлыкътыр. Фестиваль тешкиль этилювинен «Красный квадрат» адлы медиагруппа огъраша.