Бу сене августнынъ 24-26 куньлери Къырымнынъ Коктебель къасабасында кечеджек Koktebel Jazz Party халкъара джаз фестивалининъ тешкилий комитети кутьлевий хабер васталары ичюн озь аккредитациясыны ачты. Истек бильдирювни фестивальнинъ сайтында press@koktebel-jazz.ru адресине ёлламакъ мумкюн. Аккредитация тедбир кечирильген эписи куньлер девамында фестивальни айдынлатмагъа, матбуат-меркез иле къулланмагъа, матбуат-тедбирлерге къатнамагъа, концертлер девамында партерде булунмагъа, эм де Акъмесджит-Коктебель-Акъмеджит маршруты боюнджа трансфер иле къулланмагъа акъ бере. Фестиваль кечирильген куньлер девамында кутьлевий хабер васталары эм де «аджеле» багъ иле къуллана биледжеклер: +7 499-645-65-14.
Koktebel Jazz Party — эр йыл кечирильген халкъара джаз фестиваль, о 2003 сенеси тесис этильген эди. Фестиваль Коктебель джазынынъ темель къоювджысы — журналист Дмитрий Киселевнынъ шахсий тешеббюси оларакъ пейда олды. Кичик Къырым кою бугунь де бугунь джаз тедбирлер джедвелинде танылгъан фестивальге ад берди. Иштиракчилер арасында йылдызларнынъ адларыны тешкилятчылар адетиндже сыр туталар. Чешит сенелерде фестивальни эфсаневий джаз давулджысы Джимми Кобб (АКъШ), латин джазынынъ энъ гузель альбомы номинациясында «Грэмми» мукяфатынынъ лауреаты Гонсало Рубакальба (Куба), ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль) зиярет эттилер. KJP-2017 фестивалининъ мусафири РФ Президенти Владимир Путин олды.
Koktebel Jazz Party — бу дюнья севиесиндеки джаз дегиль — бу акъикъий сербестлик, о музыка, денъиз, вуджуд ве гонъюльнинъ екяне вибрациясыны догъура. Фестиваль тешкилятчысы оларакъ «Красный Квадрат» адлы девлет ширкети чыкъа.