XVI мевсим Koktebel Jazz Party халкъара джаз фестивалининъ сейирджилери тахминен 20 коллективнинъ чыкъышларыны кореджеклер, олар АКъШ, Буюк Британия, Хиндистан, Къытай, Эрменистан ве дигер мемлекетлени такъдим этеджеклер. Русиени фестивальде Москвалы боразанджы, флюгельгорнист ве бестекяр Герман Лукьяновнынъ реберлигинде «Каданс» ансамбли, дюньяджа белли гитараджы-виртуоз Дмитрий Четверговнынъ Chet Men такъымы, ерли джаз йылдызларынынъ, пианоджылар баба-бала Михаил ве Якова Окуньлернинъ коллективлери, белли Москвалы саксофонджы известного московского саксофониста Сергей Головнянынъ реберлигинде биг-бэнд такъдим этеджек.
Фестивальнинъ четэль иштиракчилери арасында — Rajeev Raja Combine (Хиндистан) ве Sedar Band (Къытай) этно-фьюжн-такъымлар, пианоджы Ваагн Айрапетян (Эрменистан), New York All Stars (АКъШ) ве чокъусы дигерлер. Кимер иджраджыларнынъ адлары Koktebel Jazz Party-2018 мусафирлери ичюн хош сюрприз оладжакъ ве фестиваль ачылув кунб такъдим этиледжек.
Адетиндже язнынъ сонъки куньлеринде кечирильген Koktebel Jazz Party халкъара джаз фестивали бу сене илькиде бирден Къырымнынъ беш мейданында августнынъ 24-26 куньлери кечеджек. Аньаневий Эсас ве Волошин саналарына, эм де Гурзуфта кечкен сене мувафакъиет иле сынап бакъылгъан «Артек»нинъ буюк аренасына Коктебельдеки аквапарк ве дельфинарий къошуладжакълар. Йылнынъ энъ микъязлы джаз вакъиаларындан бири олгъан тедбирге билетлер сатылувы энди ачылды.
Koktebel Jazz Party фестивали «Россия сегодня» халкъара медиагруппасы, «Россия 1», «Россия-Культура» ве «Россия 24» телеканаллары, «Маяк» радиосы, «Культура» радиосы, «Радио России», «Вести FM» радиостанцияларынынъ информацион дестеги иле кечириле. Фестивальнинъ музыкаль партнери Радио JAZZ сайыла. Махсус ортакъ оларакъ «Смоленские Бриллианты» ширкети чыкъа.
Koktebel Jazz Party — бу садедже дюнья севиесинде джаз дегиль — бу акъикъий сербестлик, о музыка, денъиз, вуджут ве гонъюльнинъ екяне вибрациясыны догъура. Фестиваль тешкилятчысы «Красный квадрат» адлы медиагруппа ола.