«Биз тамам Koktebel Jazz Party ичюн махсус программа азырладыкъ, о, мен ве меним ансамблимнинъ иштииракчилеринен язылгъан музыка иле толу», — деп, тариф этти фестивальнинъ учюнджи куню башланмаздан эвель берильген матбуат-конференцияда пианоджы, бестекяр ве джазмен Ваагн Айрапетян.
Онынъ сёзлерине коре, онынъле Коктебельге кельген коллектив тахминен бир йыл эвельси пейда олды ве эсасен яш чалгъыджылардан ибарет. «Онынъ яш иштиракчилери чокъ: боразанджы ‒ 18 яшта, давулджы — 20, амма олар юксек дереджеде чалалар. Мен оларгъа ишанам. Биз музыкада халефлик яратамыз, амма энъ эсасы мында — тазе янгъырав ве энергетика. Мен озюм бу коллективде яшарам», ‒ деди джазмен.
Айрапетян эм де фестиваль кечирилювининъ юксек севиесини къайд этти.
«Севие котериле. Бизим саунд-чекимиз тек 15 дакъкъа девам этти, буи се сес режиссёрларынынъ усталыгъы акъта малюмат ташый. Ве умумен тешкиль этилюв юксек дереджеде. Ве иштиракчилер теркиби боюнджа Koktebel Jazz Party — постсовет девиринде энъ джаз фестивалидир», — деп, къайд этти о.