Джаз ичюн — Кектебельге!

ChetMen Koktebel Jazz Partyде рок элементлери иле джаз иджра этеджеклер

ChetMen исполнят на Koktebel Jazz Party джаз с элементами рока

«Бугунь акъшам биз къарышыкъ услюпни такъдим этеджекмиз — бу джаз-рок-фьюжен. Рок элементлери ве фанк руху оладжакъ. Бу фестивальнинъ яхшы тарафы шунда ки, о чокъусы чалгъыджыларны бирлештире. Ве бойле къарышыкъ услюпте чалгъанлар да бу ерде чыкъышта булуна билелер», — деп, тариф эттилер озь планлары акъта ChetMen такъымынынъ лидерлери Дмитрий Четвергов ве Михаил Мень.

Мень къайд эткени киби, адетиндже коллектив квартет форматында чала ве такъымнынъ эки тесисчисинден бири язгъан муэллиф эсерлерини иджра эте. Амма кимерде, шу джумледен бугунь, озь теркибине дигер чалгъыджыларны давет эте.

«Бугунь чыкъышнынъ биринджи къысмында биз озь иджадымызны нумайыш этеджемиз, экинджи къысымда исе сейирджилерни шенълендиреджемиз», — деп, ваде этти о.

ChetMen иштиракчилери де Koktebel Jazz Partyнинъ тешкиль этилюви юксек севиеде олгъаныны ве онынъ иштиракчи теркибини къайд эттилер.

«Мен Коктебельдеки фестивальден шаштым. Акъялгъа ятмагъан шей, иджа этювнинъ гъает юксек севиеси, ве биз бу ерде бойле артистлер иле чыкъышта булунмакътан бахтлымыз, — деп, итираф этти Дмитрий Четвергов. — Ве мен эминим, Коктебель йыл-йылдан гъайрыдан яратылыджакъ, шу джумледен Koktebel Jazz Partyнинъ ярдымы иле».

 

Артка