Дюньянынъ етекчи джазменлери, Koktebel Jazz Party халкъара фестивалининъ иштиракчилериининъ иджрасында энъ яхшы композицияларны мартнынъ 16-17 куньлери «Зарядье» адлы раатлыкъ багъчада динълемек мумкюн. Koktebel Jazz Party планларында «Крымская весна» адлы фестивальде — Ивановлар агъа-къардаш Симфоджазындан, бразиль Esh джаз ансамблинден, Петр Востоков идарелигинде Буюк джаз оркестринден, Guru Groove Foundation, Billy's Band группасындан, Сергей Головнянынъ джаз квартети ве онынъ соло иджраджысы Карины Кожевниковадан, эм де Америка Къошма штатлар ве Алманиялы чалгъыджылардан музыкаль сетлер.
Koktebel Jazz Partyнинъ санасы Москванынъ «Зарядье» паркында кечеджек «Крымская весна» фестивалининъ мейданларындан бири оладжакъ. Тедбир пайтахтта мартнынъ 16-18 куньлери Русие ве ярымада бирлешювининъ 5-йыллыгъы шерефине кечеджек. Бу куньлерде Къырым малларынен ярмалыкълар чалышаджакъ, истегенлер мастер-классларда, спортив ве халкъ оюнларда иштирак этеджеклер. Мегаполиснинъ мейданлары, бульварлары ве сокъакълары чокътан-чокъ музыкаль, драма ве цирк коллективлерининъ чыкъышлары ичюн арена оладжакъ.
Коктебельде 17-джи джаз мевсими августнынъ 23-25 куньлери мусафирлерни къабул этеджек. Фестивальнинъ янъылыкълары ве онынъ программасыны koktebel-jazz.ru ресмий сайтта козетмек мумкюн.
Koktebel Jazz Party — бу тек дюньявий севиеде джаз дегиль, бу акъикъий азатлыкъ, о, музыка, денъиз, вуджуд ве гонъюльнинъ екяне вибрациясыны догъура. 2003 сене Коктебель джазынынъ темель къоювджысы, журналист Дмитрий Киселёвнинъ шахсий тешеббюси киби пейда олгъан фестиваль Къырымны таныткъан тедбирлерден бири олды ве халкъара джаз форумлар джедвелинде ляйыкъ ер алды. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль) зиярет эттилер. KJP-2017 тедбирининъ мусафири РФ президенти Владимир Путин олды.