Koktebel Jazz Party фестивалинде волейбол турнири кечеджек

На Koktebel Jazz Party пройдет волейбольный турнир

Джаз фестивалининъ янъы мевсиминде августнынъ 23-25 куньлери KOKTEBEL JAZZ PARTY CUP 2019 адлы волейбол турнири кечеджек. Турнир эр кунь саат 12.00 башлайджакъ. Спорт тедбирлерде фестивальнинъ эписи зияретчилери иштирак эте биледжеклер.

Спорт ярышнынъ иштиракчилери олмагъа истегенлер "ВКонтакте" ичтимаий агъындаки группада я да тамам волейбол мейданында къайд олуна билелер.

17-джи халкъара Koktebel Jazz Party фестивали Къырымда августнынъ 23-25 куньлери кечеджек. Сейирджилерни АКъШ, Япония, Сингапур, Френкистан, Алмания ве дигер мемлекетлерден йигирмиге якъын коллективнинъ чыкъышлары беклей. Русиени фестивальде Санкт-Петербурглы Billy's Band музыкаль группасы, Москванынъ энъ яхшы джаз-фанк группаларындан бири Snake Steak, кеманеджи-импровизатор, аранжировкаджы Феликс Лахути ве онынъ UNIVERSALOVE коллективи, совет ве русиели джазынынъ белли гитараджысы Алексей Кузнецовнынъ иштираги иле К.И.М.М. квартети ве дигерлер такъдим этеджеклер. Фестивальнинъ Русиели хедлайнерлери арасында — рок-йырджы ве чалгъыджы Юлия Чичерина.

Koktebel Jazz Party "Россия сегодня" халкъара медиагруппа ве ВГТРК холдингининъ информацион къол тутувынен кече. Фестивальнинъ музыкальным ортагъы Радио JAZZ сайыла. Региональ ортакъ оларакъ ИД Собака Крым чалыша.

Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар.Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль) зиярет эттилер. KJP-2017 тедбирининъ мусафири РФ президенти Владимир Путин олды.

Koktebel Jazz Party — бу тек дюньявий севиеде джаз дегиль, бу акъикъий азатлыкъ, о, музыка, денъиз, вуджуд ве гонъюльнинъ екяне вибрациясыны догъура. Фестивальнинъ тешкилятчысы «Красный квадрат» адлы медиагруппа ола. 2014 сенеден берли Koktebel Jazz Party Русие Федерациясы медениет везирлигининъ дестеги иле кечириле.

Артка

Koktebel Jazz Party фестивали - COVID-19-дан бош территория. Агъыр эпидемиологик вазиет себебинден фестивальге етип кельмек шартлары денъише биле. Бу аллар регионда эпидемиологик вазиетке ве Роспотребнадзор идаресининъ тевсиелерине коре денъиштириле биле.
Шимдики вакъыт фестивальнинъ иштиракчилерине, мусафирлерине ве сейирджилерине учь весикъадан энъ аздан бирини такъдим этмек керек.

  • Менфий ПЦР-тест, о, 2021 сене августнынъ 18-ден сонъ япылмалы
  • COVID-19 S-акъына антителалар олмасы акъта весикъа, о, 2021 сене майыснынъ 25-ден сонъ япылмалы
  • COVID-19-дан ашылама сертификаты

Фестиваль территориясында мусафирлер, сейирджилер ве кутьлевий малюмат васталарынынъ векиллери маска ве къочакълар киймек кереклер.