Къырымнынъ медений яшайышында эр йыл кечирильген энъ парлакъ вакъиа — Koktebel Jazz Party Халкъара джаз фестивали башланмасына бир суткадан аз вакъыт къалды. Учь кунь девамында, августнынъ 23-25 куньлери, Къара денъиз ялысында Русие ве дюньянынъ белли джазменлери, эм де бунъа якъын музыкаль жанрларнынъ рагъбетли векиллери чыкъышта булунаджакълар.
Биринджи куню Эсас санада Dave Yarden Band (АКъШ), русиели Guru Groove Foundation ве Алексей Кузнецов, эм де эфсаневий америкалы горнджы Рэнди Брекер Сергей Головнянынъ биг-бенди чыкъышта булунаджакълар. Джума эртеси куню Nils Wülker Band (Алмания), русиели Billy's Band ве Юлия Чичерина, эм де АКъШ-дан мешур джаз йырджы Шарон Кларк хедлайнерлер оладжакълар. Ниает, фестивальнинъ сонъки куню Эсас санада пианоджы Даниил Крамер (Русие), Lamuzegeule франсызлары, международный коллектив Яков Окуннинъ халкъара коллективи ве рагъбетли гитараджы Селвин Бёрчвуднынъ американ блюз-бенди озь сетлерини такъдим этеджеклер.
Эсас санада концертлер саат 19:00 башланаджакъ ве яры геджеге якъын екюнлейджек. Дельфинарийде фестиваль иштиракчилерининъ чыкъышларыны саат 14:00 динълемек мумкюн оладжакъ, Волошин санасында — саат 15:00 ве аквапаркта — саат 17:00 чыкъышлар такъдим этилюви башлайджакъ. Билетлерни Concert.ru сайтында, эм де фестиваль куньлери онынъ мейданларындаки кассаларда сатын алмакъ мумкюн оладжакъ. Кириш билетлернинъ фияты — 500 рубле, партерге билет 1000 рубле тура.
Бу сене фестиваль беш мейданда кечеджек: аньаневий Эсас ве Волошин саналарына, Коктебельдеки аквапарк ве дельфинарийге даа бир мейдан къошуладжакъ — «Таврида-Арт» санасы. Тешкилятчылар 20 тонна сес ве ышыкъ донатмасыны кетирдилер ве ерлештирдилер, оларнынъ къувветлиги бинълердже киловатт. Бу ал ачыкъ авада текрарланмаз джаз муитини яратмагъа ярдым этеджек. Зияретчилернинъ онъайтлыгъы ичюн KJP сайтында эписи музыкаль мейданлар ве фестивальнинъ башкъа сервислери бельгиленген харита ерлештирильди.
Бундан гъайры, KJP-2019 фестивалининъ чешит мейданларында сейрджилерни Москвалы Snake Steak адлы джаз-фанк группасынынъ, кеманеджи-импровизатор Феликс Лахутининъ ве онынъ UNIVERSALOVE коллективининъ, совет ве русиели джазынынъ белли гитараджысы Алексей Кузнецовнынъ ишитирагинен К.И.М.М. квартетининъ, «Голос. Дети» шоу йылдызы Ярослава Дегтяреванынъ, Самаралы джаз иджраджысы Сандра Фракенбергнинъ ве чокъусы башкъаларнынъ чыкъышлары беклей.
KJP-2019 фестивалининъ энъ къызгъын девиринде, джума эртеси куню, августнынъ 24, онынъ мусафирлери, къырым волонтерлары ве ерли сакинлер Коктебельнинъ энъ рагъбетли туристик ерлеринде чёплюк топлайджакълар. Эртафтаки муит къорчаланувы меселелерине дикъкъат джельп эткен экологик акция, KJP фестивали куньлери учюнджи йыл кечеджек, амма бойле кет-кете рагъбетлик къазангъан плоггинг форматында — ильк сефер. Бу чапувны ве чёплюк топлавны бирлештирген янъы арекеттир. Эр даим эгильмек, яни чёплюкни эгилип алмакъ ве кене де чапмакъ керек олгъаны себебинден, плоггинг адий чапувгъа бакъкъанда фаркълы идманларны такъдим эте.
Спортив раатланувны бегенгенлер ичюн фестиваль куньлери KOKTEBEL JAZZ PARTY CUP 2019 адлы волейболь турнири кечеджек. Спорт тедбирлерде фестивальнинъ эписи зияретчилери иштирак эте биледжеклер. Бунынъ ичюн "ВКонтакте" олар эвельден ичтимаий агъындаки группада я да тамам волейбол мейданында къайд олунмакъ кереклер.
KJP-2019 "Россия сегодня" халкъара медиагруппа ве ВГТРК холдингининъ информацион къол тутувынен кече. Фестивальнинъ музыкаль ортагъы Радио JAZZ сайыла. Региональ ортакъ оларакъ ИД Собака Крым чалыша. Махсус ортакъ — «Смоленские Бриллианты» ширкети.
Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль) зиярет эттилер. KJP-2017 тедбирининъ мусафири РФ президенти Владимир Путин олды.
Koktebel Jazz Party — бу тек дюньявий севиеде джаз дегиль, бу акъикъий азатлыкъ, о, музыка, денъиз, вуджуд ве гонъюльнинъ екяне вибрациясыны догъура. Фестивальнинъ тешкилятчысы «Красный квадрат» адлы медиагруппа ола. 2014 сенеден берли Koktebel Jazz Party Русие Федерациясы медениет везирлигининъ дестеги иле кечириле.