Дмитрий Киселев: Koktebel Jazz Party 2020 сене мытлакъа кечеджек

Дмитрий Киселев: Koktebel Jazz Party 2020 сене мытлакъа кечеджек

«Россия сегодня» халкъара информацион агентликнинъ генераль мудири Дмитрий Киселев келеджек сене Koktebel Jazz Party 18-нджи фестиваль мытлакъа олып кечеджеги акъта сёз берди.

«Эпимиз беклейджемиз, азырланаджамыз, ве мен сизнинъ ильхамлангъан, дюльбер сималарынъызны корьмек акъта арзу этеджем. Бу фестиваль ичюн буюктен-буюк тешеккюрлер ве сизни келеджек сене беклеймиз!» — деди Киселев, фестивальнинъ учюнджи, бу йыл сонъки кунюни ачкъан вакъыт.

Koktebel Jazz Party 17-нджи халкъара джаз фестиваль августнынъ 23-25 куньлери Къырымда кече. Учюнджи куню эсас санада пианоджы Даниил Крамер (Русие), франсызлар Lamuzgueule, Яков Окуннинъ халкъара коллективи ве рагъбетли гитараджы Селвин Берчвуднынъ американ блюз-бенди чыкъышта булунаджакълар.

Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль) зиярет эттилер. KJP-2017 тедбирининъ мусафири РФ президенти Владимир Путин олды.

Фестивальнинъ тешкилятчысы «Красный квадрат» адлы медиагруппа ола. 2014 сенеден берли Koktebel Jazz Party Русие Федерациясы медениет везирлигининъ дестеги иле кечириле.Фестивальнинъ музыкаль ортагъы — JAZZ радиосыдыр.

Артка

Koktebel Jazz Party фестивали - COVID-19-дан бош территория. Агъыр эпидемиологик вазиет себебинден фестивальге етип кельмек шартлары денъише биле. Бу аллар регионда эпидемиологик вазиетке ве Роспотребнадзор идаресининъ тевсиелерине коре денъиштириле биле.
Шимдики вакъыт фестивальнинъ иштиракчилерине, мусафирлерине ве сейирджилерине учь весикъадан энъ аздан бирини такъдим этмек керек.

  • Менфий ПЦР-тест, о, 2021 сене августнынъ 18-ден сонъ япылмалы
  • COVID-19 S-акъына антителалар олмасы акъта весикъа, о, 2021 сене майыснынъ 25-ден сонъ япылмалы
  • COVID-19-дан ашылама сертификаты

Фестиваль территориясында мусафирлер, сейирджилер ве кутьлевий малюмат васталарынынъ векиллери маска ве къочакълар киймек кереклер.