«Россия сегодня» халкъара информацион агентликнинъ генераль мудири Дмитрий Киселев Koktebel Jazz Partyнинъ сонъки, учюнджи куню фестиваль тешкилятчыларына тешеккюрлер бильдирди.
«Мет эписи тешкилятчыларгъа миннетдарым, «Красный квадрат» ширкетине ве айырыджа «Россия сегодня» халкъара информацион агентликнинъ командасына, бу фестивальнинъ бренди оларгъа аит ве олар агъыр вакъытта 2014 сене тедбирни тутып алды ве беджерди», ‒ деди сейирджилерге фестивальнинъ темельджиси Дмитрий Киселев.
Эвеллери о, Koktebel Jazz Party адлы 18-нджи фестиваль мытлакъа 2020 сененинъ август айында олып кечеджеги акъта сёз берди.
Къырымнынъ курорт ве туризм везири Вадим Волченко Koktebel Jazz Party халкъара фестивальни Русиеде энъ муим джаз вакъиа, деп. адлады.
«Русиеде халкъара севиедеки энъ акъыллы, муневер, атмосфер фестивальни селямламагъа мен ичюн буюк шереф. Бу Русиеде эсас джаз фестиваль олгъыны белли, Къырым ичюн пек муим фестиваль», ‒ деди Волченко KJP санасындан.
Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди.
2014 сенеден берли Koktebel Jazz Party Русие Федерациясы медениет везирлигининъ дестеги иле кечириле. Фестивальнинъ музыкаль ортагъы JAZZ радиосы сайыла.
Фестиваль «Россия сегодня» халкъара информацион медиагруппанынъ информацион къолтутувынен кечириле.