Koktebel Jazz Party экимлерге къолтутмакъ ичюн импровизация этеджек

Онлайн марафон Doctor Jazz Party

ЮНЕСКО тешкиляты илян эткен халкъара джаз куню, апрельнинъ 30, Koktebel Jazz Party музыкаль фестивали Doctor Jazz Party адлы хайрие онлайн-марафонны башлайджакъ. Тедбир пандемиягъа къаршы куреш алып баргъанларгъа, яни Русиенинъ хастаханелерине ве оларнынъ хадимлерине, экимлерге ве тиббий персоналгъа, къолтутмакъ ичюн кечириледжек.

«Доктор Джаз» (Doctor Jazz), америкалы джазмен Джозеф «Кинг» Оливер 1926 сене   яраткъан композициясы марафоннынъ серлевасы олды. Онынъ сатырларындан биринде бойле айтыла: «Белягъа огърагъанда, сынъырлар силине» (When I’m in Trouble Bounds are Mixed), - бу джазнынъ акъикъий рухуны, къоджаман къуветини ифаде эте. Бу ал бир-биримизни анъламагъаярдым эте ве адамлар арасында субет ве къаршылыкълы ядрым тизе. Апрельнинъ 3—да бутюн дюньянынъ чалгъыджылары, бу бош сёзлер олмагъаныны тасдыкълайджакълар.

Koktebel Jazz Party фестивалининъ темельджиси, журналист Дмитрий Киселев бойле къайд этти: «Русие бутюн дюньянен бирликте коронавирускъа къаршы куреше. Бизим Koktebel Jazz Party фестивалимизде эр вакъыт халкъара конвертация этильген музыка янгъырай эди ве шимди де янгъырай.   Биз марафон черчивесинде топлагъан эписи параларны, экимлерге, бу агъыр куньлерде бизге ярдым эткен адамларгъа береджемиз».

Хайрие онлайн-марафон апрельнинъ 30 куню Москвадаки вакъыт боюнджа саат 16:00 башланаджакъ. О, чешит локацияларны екяне музыкаль фезагъа бирлештиреджек, импровизация этильген саналардан эвдеки студияларгъадже.  Марафонда Русие ве бутюн дюньянынъ джазменлери иштирак этеджеклер, иштиракчилернинъ толу джедвели koktebel-jazz.ru сатыйнда нешир этильген. Чалгъыджыларнынъ чыкъышларына, хастаханелер ве тиббий меркезлердеки иш ерлеринден экимлернинъ видеомураджаатлары къошуладжакъ, олар адамларнынъ джаны ве сагълыгъы ичюн курешкен ерден багъланаджакхлар. Марафоннынъ яйынлавы ria.ru ве Koktebel Jazz Party фестивалининъ сайтларында ве «ВКонтакте» ичтимаий агъынынъ аккаунтларында, эм де стопкоронавирус.рф сайтында алып барыладжакъ. 

Онлайн-марафон шу джумледен «Джаз ышыкъ сурьаты иле» серлевалы программадан ибарет оладжакъ. Бу программа ильк сефер Коктебельдеки фестивальде 2006 сенеси амельге кечирильген эди ве Koktebel Jazz Partyнинъ айырылмаз бир къысмы олды. Программанынъ эсас гъаеси - джаз эр бир сынъырларны сильгенини, джазменлерни екяне бир виртуаль фезада импровизация ичюн бирлештиргенини косьтермек. Бу музыкаль кучьни тасдыкъламакъ ичюн Doctor Jazz Party марафонынынъ тешкилятчылары Санкт-Петербург иле видеокопюр боюнджа аньаневий джем-сейшн кечиреджеклер.

Doctor Jazz Party  адлы хайрие онлайн-марафоннынъ тешкилятчылары – бу «Россия сегодня» халкъара информацион агентлиги,  «Красный квадрат» адлы медиагруппа ве Koktebel Jazz Party адлы халкъара джаз фестивали. Оларгъа Русиеде догъру инвестициялар фонды (РФПИ) ве COVID-19 коронавирускъа къаршы куреш боюнджа альянс дестек косьтере.

Русие хастаханелерине къолтутмакъ ичюн, эм де региональ стационарларда ве клиникаларда тиббий хадимлерге шахсий къорчалав васталарыны сатын алмакъ ичюн параларны «Живой» адлы хайрие фондынынъ къолтутувынен кечирмек мумкюн. Бу фонд марафоннынъ операторы олды. Бунынъ ичюн «ДЖАЗ» сюзю пара колеми бельгиленген СМС-месаджны (меселя, «ДЖАЗ 300») къыскъа 3443 номерагъа ёлламакъ керек. Бойле садакъа паралар къабул этилюви энди ачыкъ.

Doctor Jazz Party марафоны черчивесинде къошулгъан паралар «Живой» фондынынъ эсабына тюшип, Русие регионларында экимлер ве тиббий хадимлер ичюн шахсий къорчалав васталарыны сатын алмагъа ёлланыладжакъ.

Doctor Jazz Party хайрие онлайн-марафонынынъ информацион шериклери:

«Россия 24» ве «Россия-Культура» телеканаллары, Вести.Ru информацион каналы, «Вести FM» радиостанциясы, Радио JAZZ 89.1 FM, «Яндекс» араштырув системасы ве интернет-портал, «Национальные приоритеты» АНО тешкиляты/ сайт стопкоронавирус.рф, Sputnik радиосы.

Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), озь инновацион техник чалувнен белли олгъан американ бас-гитараджы ве контрабасчы Стэнли Кларк, ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль), Гейдельбергтен De-Phazz адлы алман группасы  зиярет эттилер. KJP-2017 тедбирининъ мусафири РФ президенти Владимир Путин олды.

Koktebel Jazz Party — бу тек дюнья севиедеки джаз дегиль, бу музыка, денъиз, вуджут ве гонъюльнинъ екяне вибрациясыны догъургъан акъикъий азатлыкътыр. Фестивальни «Россия сегодня» халкъара информацион агентлиги кечире. Фестиваль тешкиль этилювинен «Красный квадрат» адлы медиагруппа огъраша. 2014 сенеден берли Koktebel Jazz Party Русие Федерациясы медениет везирлигининъ дестеги иле кечириле.

Русиеде догъру инвестициялар фонды (РФПИ) 2011 сенеси тесис этильди. Шериклеринен бераберликте РФПИ 80-ден зияде лейха амельге кечирди, оларнынъ умумий колеми 1,8 трлн рубледен зияде, олар Русие Федерациясынынъ 95% регионыны къаплап ала. РФПИ, 18 мемлекеттен етекчи халкъара инвесторларнен бераберликте, стратегик ортакълыкълар яратты. Оларнынъ умумий колеми 40 млрд долларны тешкиль этти. РФПИ COVID-19 хасталыгъына къаршы фааль иш алып бара: EMG экспресс-диагностикасы боюнджа Русие-Япония системасынынъ истисалы тизильди, о максималь дереджеде догъру нетидже косьтере (99,9%), тестлернинъ тезлиги де буюк (30 дакъкъагъадже), «Химрар» ширкетлер группасы иле бераберликте «Фавипиравир» деген вирускъа къаршы илядж истисалы яратыла. РФПИ коронавирускъа къаршы Альянс яратылувынынъ тешеббюсчилеринден бири олды. Бу Альянскъа даа Российский союз промышленников и предпринимателей адлы бирлешме (РСПП), Яндекс, Mail.ru Group ве «Россия сегодня» халкъара информацион агентлиги кирди.

«Живой» адлы хайрие, буюклерге ярдым фонды 2010 сенеси тесис этильген эди. Фонд, аджеле тедавийлевде ве реабилитацияда мухтадж18 яшындан 60 яшкъадже агъыр хаста адамларгъа ярдым эте. 2017 сенеден берли фонд эм де Русие хастаханелерине ве ичтимаий муэссиселерге ярдым этюв ёнелишинде чалыша. Коронавирус пандемиясы себебинден фонд Русие регионларындаки хастахенелерде чалышкъан экимлерге шахсий къорчалав васталарыны сатын алмакъ ве ёлламакъ боюнджа лейха башланувы акъкъында къарар алды. Апрельнинъ 22 кунюне фонд бутюн Русие боюнджа 26 хастаханеге ярдым косьтерди.  

Артка

Koktebel Jazz Party фестивали - COVID-19-дан бош территория. Агъыр эпидемиологик вазиет себебинден фестивальге етип кельмек шартлары денъише биле. Бу аллар регионда эпидемиологик вазиетке ве Роспотребнадзор идаресининъ тевсиелерине коре денъиштириле биле.
Шимдики вакъыт фестивальнинъ иштиракчилерине, мусафирлерине ве сейирджилерине учь весикъадан энъ аздан бирини такъдим этмек керек.

  • Менфий ПЦР-тест, о, 2021 сене августнынъ 18-ден сонъ япылмалы
  • COVID-19 S-акъына антителалар олмасы акъта весикъа, о, 2021 сене майыснынъ 25-ден сонъ япылмалы
  • COVID-19-дан ашылама сертификаты

Фестиваль территориясында мусафирлер, сейирджилер ве кутьлевий малюмат васталарынынъ векиллери маска ве къочакълар киймек кереклер.