Джаз ичюн — Кектебельге!

Koktebel Jazz Party 2020-фестивалининъ биринджи иштиракчилерини илян этти

Koktebel Jazz Party 2020-фестивалининъ биринджи иштиракчилерини илян этти

Коктебель къасабасында августнынъ 21-ден 23-недже кечеджек Къырымда эсас музыкаль вакъианынъ, халкъара Koktebel Jazz Party фестивалининъ тешкилий комитети 18-нджи мевсимнинъ биринджи иштиракчилерининъ адларыны сеслендирди. Koktebel Jazz Party-2020 фестивалининъ иштиракчилери арасында  – Русиели боразанджы Петр Востоковнынъ реберлигинде буюк джаз оркестри, Esh адлы бразиль джаз ансамбли, Яков Окуннинъ йылдызлы ансамбли, Русие халкъ артисти Даниила Крамернинъ триосы, вокалджылар Лариса Долина ве Мариам Мерабова. Программада эм де Bril Family чыкъышлары оладжакъ – бу ерли джазнынъ патриархы Игорь Брильнинъ ве онынъ огъланлары, саксофонджылар Александр ве Дмитрий, Сергей Головня ве Русиенинъ халкъ артисти Игорь Склярнынъ биг-бэнди, Jazz Classic Community группа иле, Анастасия Лютова ве онынъ «Лютый бенд» адлы теркиби ве чокъусы дигерлер. Koktebel Jazz Party-2020 фестивалинде эм де четэль иджраджылары иштирак этеджек – адетинже оларнынъ адлары ачылув куню, июннинъ 21-де такъдим этиледжек. Джаз эписи сынъырларны силе ве атта карантин сынъырланувлар девиринде бирлештире, деген фикирни тасдыкълап, дюнья джазынынъ йылдызлары «Ышыкъ сурьаты иле джаз» адлы программада иштирак этеджеклер, о, телекопюр форматында кечеджек.

Июльнинъ орталарындан Koktebel Jazz Party-2020 фестивалине кутьлевий малюмат васталары ичюн аккредитация башланды. Аризаны фестивальнинъ сайтында koktebel-jazz.ru къалдырмакъ мумкюн. Аккредитация фестивальни айдынлатмагъа, матбуат-меркезде булунмагъа, концертлер девамында матбуат-тедбирлерни ве партерни зиярет этмеге, эм де  Акъмесджит – Коктебель – Акъмесджит маршруты боюнджа трансфер иле къулланмагъа  акъ бере. Фестиваль кечирильген куню онынъ тедбирлери акъкъында оператив малюмат sms-месаджлар киби ве e-mail вастасы иле даркъатыладжакъ. Фестиваль иштиракчилерининъ ве онынъ сейирджилерининъ хавфсызлыгъы темин этильмеси ичюн, тешкилий комитет Роспотребнадзор идаресининъ коронавирус боюнджа талапларына дикъкъат айыраджакъ. 2020 сене апрель айында Koktebel Jazz Party фестивали «Россия сегодня» халкъара информацион агетлиги ве «Красный квадрат» адлы медиагруппасы иле бераберликте Doctor Jazz Party онлайн-марафоныны тешкиль этти. Бойле этип коронавирус пандемиясына къаршы куреш девиринде Русиели тиббийджилерге ве хастаханелерге къолтутылды. Марафон Халкъара джаз куню, апрельнинъ 30-да башланды. О, ria.ru сайтында, «Россия сегодня» агентлигининъ флагманында ве ВКонтакте саифесинде РИА Новости агентлигининъ ресмий аккаунтында алып барылды. Doctor Jazz Party адлы онлайн-марафон докъуз мемлекеттен джаз музыкасынынъ йылдызларыны  шу джумледен Русие, Къытай, АКъШ, Бразилия, Япония чалгъыджыларыны бирлештирди. Марафон еди саат девам этти, иштиракчилернинъ чыкъышларыны эки миллионгъа якъын адам сейир этти.  Koktebel Jazz Party 2003 сене Коктебель джазынынъ темель къоювджысы — журналист Дмитрий Киселёвнинъ шахсий тешеббюси киби пейда олды. Кичик Къырым кою дюньяджа белли джаз тедбирлери джедвелине кирген фестивальге ад берди. Йылдызлы иштиракчилернинъ адларыны тешкилятчылар адетиндже сыр туталар. Чешит сенелери фестивальни эфсаневий джаз давулджысы Джимми Кобб (АКъШ), энъ яхшы латин джазы альбомы ичюн «Грэмми» мукяфатынынъ лауреаты Гонсало Рубакальба (Куба), озь инновацион техник иджрасынен белли олгъан американ бас-гитараджы ве контрабасчы Стэнли Кларк, ню-джаз йылдызлары Club Des Belugas (Алмания), уникаль саксофонджы Роберт Анчиполовский (Исраиль), Гейдельбергтен De-Phazz алман группасы зиярет эттилер. KJP-2017 тедбирининъ мусафири РФ президенти Владимир Путин олды.

Koktebel Jazz Party — бу тек дюнья севиедеки джаз дегиль, бу музыка, денъиз, вуджут ве гонъюльнинъ екяне вибрациясыны догъургъан акъикъий азатлыкътыр. Фестивальни «Россия сегодня» халкъара информацион агентлиги кечире. Фестиваль тешкиль этилювинен «Красный квадрат» адлы медиагруппа огъраша. 2014 сенеден берли Koktebel Jazz Party Русие Федерациясы медениет везирлигининъ дестеги иле кечириле. Koktebel Jazz Party фестивалининъ информацион  шериклери оларакъ: ВГТРК, Радио JAZZ 89.1 FM, интернет-кинотеатр TVZAVR ве радио Sputnik оладжакълар.

Артка